बाग्मतीमा एमालेको कार्यकर्ता भेला, राजन भट्टराईले प्रशिक्षण दिने

पछिल्लो समयमा विकसित राजनीतिक घटनाक्रम तथा समसामयिक राजनीतिक परिवेशका सम्बन्धमा उक्त कार्यक्रममा नेकपा एमालेका स्थायी कमिटी सदस्य राजन भट्टराईले आफ्ना विशेष प्रशिक्षणमुलक धारणाहरु राख्नेछन्। साथै राष्ट्रिय युवा संघका केन्द्रीय कमिटीका उपाध्यक्ष महाराज गुरुङ पनि उक्त कार्यक्रमका वक्ता रहने एमाले बागमतीका अध्यक्ष नवराज सन्जेलले जानकारी दिएका छन्।

सन्जेलले विभिन्न देशी विदेशी शक्तिहरूले नेकपा एमालेमाथी गरिरहेको चौतर्फी प्रहार तथा बजारमा छरेका भ्रमहरूलाई चिर्नका निमित्त उक्त कार्यक्रम आयोजना गरिएको जानकारी दिएका छन्। उक्त प्रशिक्षणमूलक कार्यक्रममा नेकपा एमालेका पोलिटब्युरो सदस्य सुशिला नेपाल, केन्द्रीय सदस्य तथा जिल्ला इन्चार्ज हरिकृष्ण व्यञ्जनकार, केन्द्रीय सदस्यहरू रूपनारायण श्रेष्ठ, बाबुराम थापा लगायत प्रदेश तथा जिल्ला तहका नेताहरूको सहभागिता रहने जनाइएको छ । एमाले बागमतीका उपसचिव सुदिप तिमल्सिनाले कार्यक्रममा गाउँपालिकाका सातै वडाबाट ५०० भन्दा बढीको सङ्ख्यामा उपस्थिति रहने जानकारी दिए।