दक्षिणकाली महिला समुहद्वारा आयोजित एक दिने समूह व्यवस्थापन तालिम
Date: 2025-11-24
ललितपुर - "जहाँ महिला त्यँहा विकासका पाईला "भन्ने उदेश्य सहित दक्षिणकाली महिला समुहको आयोजना तथा ललितपुर महानगरपालिका वडा नं. ५ को सक्रिय सहयोगमा एक दिने समूह व्यवस्थापन तालिम सुरु भएको छ ।
तालिममा स्थानीय महिला सदस्यहरूको सहभागिता उल्लेखनीय रहेको थियो।यो तालिमको प्रमुख उद्देश्य महिलाहरूलाई समूह सञ्चालनका तरिका, लाभ, जिम्मेवारी तथा व्यवस्थापन सीपबारे स्पष्ट बुझाइ प्रदान गर्नु हो ।
सहभागी महिलाले समूहमा काम गर्दा आवश्यक पर्ने आधारभूत क्षमता—जस्तै बैठक सञ्चालन गर्ने, निर्णय लेखाजोखा राख्ने, आर्थिक कारोबार पारदर्शी बनाउने तथा आपसी सहयोगका माध्यमबाट व्यक्तिगत र सामूहिक विकास कसरी गर्ने—जस्ता विषयहरूमा प्रशिक्षण प्राप्त गरे।
तालिमका प्रमुख अतिथि ललितपुर महानगरपालिका वडा नं. ५ का वडा अध्यक्ष विकास मान श्रेष्ठले एक दिने समूह ब्यबस्थापन तालीम राम्रोसँग लिनको लागि शुभकामना व्यक्त गर्नुभयो ।
ललितपुर महानगरपालिका वडा नं.५ का महिला सदस्य शोभा देवि प्रदान श्रेष्ठले समुहलाई कसरी व्यस्थापन गर्न सकिन्छ भन्ने यो एक दिने समूह व्यबस्थापन तालिमको महत्त्वपूर्ण भुमिका रहेको बताउनुभयो । अरु समुहहरुको तुलनामा यश दक्षिणकाली महिला समुहले पनि विभिन्न कार्यक्रमहरु गर्दै आएको बताउनुभयो ।
दक्षिणकाली महिला समुहको अध्यक्ष सुनिता श्रेष्ठले दक्षिणकाली महिला समुहलाई यस तालीम महत्त्वपूर्ण रहेको बताउनुभयो ।
दक्षिणकाली महिला समुहको सदस्य सुशीला घिमिरे एक दिने समूह व्यस्थापनको शुभकामना व्यक्त गर्नुभयो ।
तालिमकी प्रशिक्षक ज्ञानी शोभा महर्जनले समुहलाई कसरी अगाडि बढाउन महत्त्वपूर्ण रहेको बताउनुभयो । समूह व्यवस्थापनका आधारभूत सिद्धान्तदेखि व्यवहारिक पक्षसम्म विस्तृत रूपमा प्रशिक्षण दिनुभयो। उहाँका अनुसार, कुनै पनि समूह मजबुत बनाउन अनुशासन, नियमित बैठक, स्पष्ट लक्ष्य, पारदर्शिता र एक–अर्काप्रतिको विश्वास सबैभन्दा महत्वपूर्ण पक्ष हुन्।
ललितपुर महानगरपालिकाले महिलाहरूलाई लक्षित गरी सञ्चालन गर्न खोजेका कार्यक्रम तथा कार्यनीतिबारे पनि तालिममार्फत जानकारी गराइएको थियो। यस्ता तालिमहरूले महिलालाई सामाजिक तथा आर्थिक रूपमा सशक्त बनाउनुका साथै समुदायमा नेतृत्व लिन प्रेरित गर्छन्।सहभागी महिलाहरूले तालिमबाट समूहमा मिलेर काम गर्दा कस्ता–कस्ता फाइदा प्राप्त हुन्छन् भन्ने विषयमा व्यवहारिक
एकदिने भए पनि तालिमले महिलाहरूको व्यक्तिगत क्षमता, समूह सञ्चालन सीप र सामूहिक व्यवहार सुधारमा महत्वपूर्ण योगदान पुर्याएको आयोजकहरूले बताएका छन्।
