पढाइ र खेलकुद दुवैमा अब्बल पिनाकल कलेज

 धेरै पहिला देखि पढाइमा अब्बल रहदै आएको पिनाकल कलेजले विद्यार्थीहरुको चौतर्फी विकासको लागि विभिन्न  खेलकुदहरुमा विशेष जोड दिदै आएको हुँदा खेलकुदमा पनि आफुलाई  अग्र स्थानमा राख्न सफल भएको छ ।  प्रथम इन्टर कलेज इन्डोर क्रिकेट प्रतियोगिताको उपाधिमा पिनाकलले प्रथम जित हासिल गर्न सफल भएको हो । हाइप यती इभेन्ट्सको आयोजना सम्पन्न प्रतियोगिता खेलमा  ३२ ओटा कलेजहरुलाई हराउँदै पिनाकल कलेज प्रथम हुन सफल भएको थियो  ।

पिनाकल एकेडेमीका विद्यार्थीहरुले प्रथम इन्टर कलेज इन्डोर क्रिकेट प्रतियोगिताको उपाधिमा प्रथम जित हासिल गर्न सफल भएको हुँदा पिनाकल कलेजका प्रधानाध्यापक डा. ऋषि तिवारीले  खुशी प्रकट गर्दै आफ्ना विद्यार्थीहरुलाई खादा र टीका लगाई बधाई तथा  सम्मान गर्नुभएको छ ।

हाइप यती इभेन्ट्सको आयोजनामा सम्पन्न प्रतियोगिताको फाइनलमा पिनाकलले हिमालयन ह्वाइटहाउसलाई ४ रनले हराएको थियो । रोयल स्पोर्ट्स पार्कमा सम्पन्न खेलमा पिनाकलले दिएको ९९ रनको लक्ष्य पाएको हिमालयनले पूरा १० ओभरमा ६ विकेट गुमाई ९४ रनमात्र बनाउन सकेको थिय । टोलीका नितिश मोक्तानले सर्वाधिक ३८ र मोहम्मद रियाजले १८ रन बनाए । पिनाकलका अभिषेक थापाले सर्वाधिक ३ विकेट लिए । प्लेयर अफ द फाइनल भएका अभिषेकले ३ ओभरमा २२ रन खर्चिए । अपराजित पौडेलले २ विकेट लिए ।

यसअघि टस जितेको पिनाकलले १० ओभरमा ४ विकेट गुमाई ९८ रन बनायो । अभिषेक थापाले सर्वाधिक २४, सन्देश खड्काले १८, हिमाल विष्टले १६ र अपराजित पौडेलले १३ रन बनाए । हिमालयनका जीवन कार्कीले २ विकेट लिए ।

विजेताले ५० हजार र उपविजेताले ३० हजारसहित ट्रफी पाए । यसअघि पहिलो सेमिफाइनलमा पिनाकलले शिक्षान्तर कलेजलाई १२ रन र हिमालयन ह्वाइटहाउसले एभीएस स्कुललाई २६ रनले पराजित गरेका थिए । उत्कृष्ट खेलाडी पिनाकलका अभिषेक थापा चुनिए । उत्कृष्ट ब्याटर शिक्षान्तरका कृष शाही ठकुरी, उत्कृष्ट बलर पिनाकलका अभिषेक थापा, उत्कृष्ट फिल्डर हिमालयनका नितिश मोक्तान चुनिए ।