सिद्धिविनायक मन्दिरको प्राङ्गणमा समयबजी प्रसाद वितरण
Date: 2024-09-17
ललितपुर - ललितपुर महानगरपालिका वडा नं.५ अवस्थित श्री सिद्धिविनायक मन्दिरको प्राङ्गणमा समयबजी प्रसाद वितरण कार्यक्रम भब्यताको साथ सम्पन्न भएको छ । श्री सिद्धिविनायक मन्दिर संरक्षण समितिको आयोजना र ललितपुर महानगरपालिका उद्योग , पर्यटन तथा संरक्षण समिति ,तथा ललितपुर महानगर वडा नं.५ को सहयोगमा समयबजी प्रसाद वितरण कार्यक्रम सम्पन्न भएको हो ।
नेपालको प्राचिन संस्कृति जीवन्त र अक्षुण राखे सिलसिलामा प्रत्येक वर्ष ईन्द्रजात्राको उपलक्ष्यमा महालक्ष्मी मार्ग वडा नं ५ लगनखेलमा अवस्थित श्री सिद्धिविनायक मन्दिरको प्राङ्गणमा समयबजी प्रसाद वितरण गर्ने कार्यक्रमलाई यस वर्ष पनि निरन्तरता दिदै आएको ललितपुर महानगरपालिका वडा नं.५ का वडा अध्यक्ष विकास मान श्रेष्ठले बताउँनुभयो ।
समयबजी प्रसाद कार्यक्रममा ललितपुर महानगरपालिकाका प्रमुख चिरिबाबु महर्जन , उप प्रमुख मञ्जली शाक्य बज्राचार्य , वडा नं.५ का जनप्रतिनिधिहरु , उद्योग पर्यटन तथा संस्कृति संरक्षण समितिका पदाधिकारीहरु , पाटिका कार्यकता , स्थानीय वडाबासीहरुको बाक्लो उपस्थितीमा समयबजी प्रसाद कार्यक्रम भव्यताका साथ सम्पन्न भएको छ ।
