महाकवि लक्ष्मीप्रसाद देवकोटाको १ सय १६ औँ जन्मजयन्ती बिभिन्न कार्यक्रमको आयोजना गरि मनाइएको छ ।
देवकोटाको १ सय १६ औँ जन्मजयन्तीका अवसरमा महाकवि लक्ष्मीप्रसाद देवकोटा सङ्ग्रहालयका रहेको उहाको पूर्णकदको शालिकमा माल्यार्पण गरिएको हो ।महाकवि देवकोटाको जन्म वि.सं. १९६६ मा कात्तिक कृष्ण औँसी अर्थात् लक्ष्मीपूजाका दिन काठमाण्डौको डिल्लीबजारमा भएको थियो ।दश वर्षको उमेरमा कविता लेख्न शुरु गर्नुभएका देवकोटाका थुप्रै महाकाव्य, खण्डकाव्य, निबन्ध, कथा, नाटक, उपन्यास, गीत, समालोचना र फुटकर कविता प्रकाशित छन् ।
देवकोटाको जन्मजयन्तीका अवसरमा नेपाल प्रज्ञा प्रतिष्ठान साहित्य(पद्य÷काव्य) बिभागले देवकोटा सङ्ग्रहालयमा कविता बाचन कार्यक्रमको आयोजना गरेको थियो । कविता वाचन कार्यक्रममा कविहरुले मुलुकको राजनीतिक परिस्थितिका साथै बिभिन्न प्रसंगका साथ कविता वाचन गरेका थिए ।नेपाली साहित्यमा आधुनिक महाकाव्य लेखनको थालनी गर्नुभएका देवकोटाको ‘मुनामदन’ खण्डकाव्य नेपाली भाषामा प्रकाशित अहिलेसम्म सबैभन्दा बढी बिक्री भएको पुस्तक हो । २०१६ सालमा उहाँ शिक्षा तथा स्वायत्त शासनमन्त्री हुँदा नेपालभर नेपाली भाषालाई अनिवार्य विषयका रूपमा लागू गराउनु भएको थियो ।
देवकोटाको घरलाई सरकारले महाकवि लक्ष्मीप्रसाद देवकोटा सङ्ग्रहालयका रूपमा स्थापित गरेको छ । नेपाली साहित्यमा महत्वपूर्ण योगदान दिनुभएका देवकोटाको २०१६ साल भदौ २९ गते निधन भएको थियो ।
