सागर सिंह र ज्ञानबहादुर शाही स्मृति कराते प्रतियोगिता चैत २५ गतेबाट सुरु
Date: 2025-04-05
ललितपुर - नेपाल सितोरियो कराते डो संघ प्रयोगपोखरी डोजोले सहिद सागर सिंह र ज्ञानबहादुर शाही स्मृति कराते प्रतियोगिता यहि चैत २५ गतेबाट सुरु भएको छ ।
सोमबार सुरु हुने प्रतियोगितामा करिब ६ सय खेलाडीको सहभागिता रहने संयोजक गोपाल महर्जनले जानकारी गराउनुभयो । पुरुष/महिलामा एकल काता र कुमितेमा गरी ११–११ विधामा प्रतिस्पर्धा महर्जनले बताउनुभयो ।
काठमाडौं, ललितपुर, भक्तपुर, काभ्रे र सिन्धुपाल्चोक जिल्लाका ३५ टिम सहभागी हुने आयोजक डोजोका प्रशिक्षक विकास महर्जनले बताउँनुभयो।
बागमती प्रदेशका सांसद रामकृष्ण चित्रकारले युवा खेलाडीलाई संगठित गर्न र सहिदप्रति सम्मान व्यक्त गर्न प्रतियोगिता महत्त्वपूर्ण हुने बताउँनुभयो ।
ललितपुर महानगरपालिकाका मेयर चिरिबाबु महर्जनले देशका लागि ज्यान दिने सहिदको सम्झनामा प्रतियोगिता गर्न लागेकामा आयोजकलाई धन्यवाद दिनुभयो।
दुईदिने प्रतियोगिताका खेल मंगलबजारस्थित आदर्श कन्या निकेतनमा खेलाइने छ ।
प्रेस बिज्ञाप्ति
