भारतको स्वास्थ्य तथा परिवार कल्याण मन्त्रालयका अनुसार देशमा कोभिड-१९ का कुल १००९ सक्रिय केसहरू छन्।
केरलामा सबैभन्दा धेरै सक्रिय केसहरू ४३० छन्, त्यसपछि महाराष्ट्रमा २०९ र दिल्लीमा १०४ पुष्टि भएका केसहरू छन्।
तथ्याङ्क अनुसार केरलामा ४३०, महाराष्ट्रमा २०९, दिल्ली १०४, गुजरात ८३, तमिलनाडु ६९, कर्नाटक ४७, उत्तर प्रदेश १५, राजस्थान १३, पश्चिम बंगाल १२, हरियाणा ९, पुडुचेरी ९, आन्ध्र प्रदेश ४, मध्य प्रदेश २, तेलंगाना १, गोवा १, छत्तीसगढ १ सक्रिय केसहरू छन् ।
समाचार एजेन्सी पीटीआईले कर्नाटकका स्वास्थ्यमन्त्री दिनेश गुन्डु रावलाई कोभिडको बढ्दो केसको बारेमा प्रश्न गरेको छ । उनले भने, ‘चिन्ता गर्नुपर्ने केही छैन।’
दिनेश गुन्डु रावले भने , “अवश्य पनि, हामीले दक्षिण पूर्वी एसियाली देशहरूमा कोभिडका केसहरू बढ्दै गएको सुनेका छौं, तर त्यहाँ पनि संक्रमण हल्का रहेको छ। भारतमा रिपोर्ट गरिएका कोभिड-१९ का केसहरू पनि हल्का छन्।”
उनले भने, “महाराष्ट्र र अन्य केही ठाउँमा केही मृत्यु भएका छन्, तर यी मृत्युहरू कोभिडसँग प्रत्यक्ष रूपमा सम्बन्धित छैनन्। यी केसहरूमा अन्य रोगहरू पनि थिए।”
दिनेश गुन्डु रावले भने, “अझै पनि हामी सतर्क रहनुपर्छ। हामी परिस्थितिलाई निगरानी गरिरहेका छौं। हामीले केही सल्लाह पनि जारी गरेका छौं।”
