प्रतिनिधिसभा बैठक बस्दैः यस्ता छन् सम्भावित कार्यसूची

प्रतिनिधिसभाको बैठक आज (सोमवार) पनि बस्दै छ । बिहान ११ बजे बस्ने बैठकमा वार्षिक प्रतिवेदन पेश, व्यवस्थापन कार्यलगायत कार्यसूची रहेको संघीय संसद् सचिवालयले जनाएको छ ।

जसअनुसार प्रधानमन्त्री पुष्पकमल दाहाल प्रचण्डले ‘राष्ट्रिय समावेशी आयोगको वार्षिक प्रतिवेदन आव २०७९–८०’ पेश गर्ने पहिलो कार्यसूची रहेको छ ।त्यस्तै व्यवस्थापन कार्यअन्तर्गत शिक्षा, विज्ञान तथा प्रविधिमन्त्री सुमना श्रेष्ठले राष्ट्रियसभामा उत्पत्ति भएको ‘शहीद दशरथ चन्द स्वास्थ्य विज्ञान विश्वविद्यालय विधेयक, २०८०’माथि विचार गरियोस् भन्ने प्रस्ताव प्रस्तुत गर्नेछिन् ।