गभर्नर विश्व पौडेलले लिए शपथ

प्रधानन्यायाधीश प्रकाशमान सिंह राउतले नेपाल राष्ट्र बैंकका नवनियुक्त गभर्नर डा. विश्वनाथ पौडेललाई पद तथा गोपनीयताको शपथ ग्रहण गराएका छन्। 

सर्वोच्च अदालतमा आज आयोजित एक समारोहमा प्रधानन्यायाधीश राउतले अर्थविद् डा. पौडेललाई शपथ गराएका हुन्।गत मङ्गलबार बसेको मन्त्रिपरिषद्को बैठकले अर्थविद् डा. पौडेललाई गभर्नर पदमा नियुक्त गर्ने निर्णय गरेको थियो। सरकारले गभर्नर चयनका लागि उपप्रधानमन्त्री एवं अर्थमन्त्री विष्णुप्रसाद पौडेलको संयोजकत्वमा तीन सदस्यीय समिति गठन गरेको थियो।