प्राविधिक तयारी नपुगेको भन्दै एसईईको नतिजा भोली मात्रै आउने

राष्ट्रिय परीक्षा बोर्डले आज सार्वजनिक गर्ने भनिएको माध्यमिक शिक्षा परीक्षा (एसईई) को नतिजा भोली बिहान मात्रै सार्वजनिक गर्ने भएको छ ।

बोर्डका अध्यक्ष डाक्टर महाश्रम शर्माले बिहीबार बिहान ९ बजे नतिजा सार्वजनिक गरिने बताउनुभयो । त्यसका लागि बिहान ७ बजे बोर्डको बैठक बस्ने अध्यक्ष शर्माले बताउनुभएको छ ।

बोर्डले बुधबार नतिजा सार्वजनिक गर्ने तयारी गरेको थियो । तर, केही प्राविधिक तयारी नपुगेको भन्दै बोर्डले बिहीबार सार्वजनिक गर्न लागेको हो । बोर्डले अहिले नतिजाको डेमो गरिरहेको छ ।